​​​​​​​O‘zbekiston xalqiga bayram tabrigi

Siz, azizlarni, sizlarning timsolingizda ko‘pmillatli butun xalqimizni mamlakatimiz hayotidagi ulug‘ tarixiy sana – O‘zbekiston Respublikasi Konstitutsiyasi qabul qilinganining 30 yillik bayrami bilan chin qalbimdan samimiy muborakbod etib, barchangizga o‘zimning chuqur hurmatim va ezgu tilaklarimni izhor etaman.

Xalqimizning xohish-irodasi bilan tanlab olingan huquqiy-demokratik davlat, erkin fuqarolik jamiyati barpo etish yo‘lida mustahkam huquqiy poydevor bo‘lib kelayotgan Asosiy qonunimizning milliy taraqqiyotimizdagi o‘rni va ahamiyati beqiyosdir.

Yer osti suvlari muhofazasi kuchaytiriladi

Yer osti suvlari tabiat va aholi uchun eng zarur chuchuk suv manbalaridan biri. Undan tartibsiz foydalanish oqibatida ko‘p joylarda yer osti suvi kamayib ketmoqda. Navoiy, Samarqand, Jizzax, Qashqadaryo, Namangan, Farg‘ona va Andijon viloyatlarining ayrim hududlarida uning sathi 5 metrgacha pasayib ketgan.

Shunga qaramay, joylarda ruxsatsiz quduqlar burg‘ilash, yer osti suvlaridan nazoratsiz va hisobsiz foydalanish hamon davom etmoqda. Shu bois, Prezidentimiz ko‘rsatmasiga muvofiq, yer osti suvlari muhofazasini kuchaytirish va undan foydalanishni takomillashtirish bo‘yicha takliflar ishlab chiqildi.

Ўзбекистон ва Қирғизистон етакчилари икки томонлама ҳамкорликни янада кенгайтириш муҳимлигини қайд этдилар

Суҳбат аввалида давлатимиз раҳбари Қирғизистон етакчисини таваллуд куни билан самимий қутлаб, мустаҳкам соғлик, бахт-саодат ва катта муваффақиятлар, қардош Қирғизистон халқига тинчлик-осойишталик ва равнақ тилади.

Олий даражадаги келишувларга мувофиқ Ўзбекистон-Қирғизистон яхши қўшничилик ва стратегик шериклик муносабатлари изчил мустаҳкамланиб бораётгани, мамлакатларимиз ўртасидаги кўп қиррали ҳамкорлик жадал ривожланаётгани катта мамнуният билан қайд этилди.

Самарқандда инсон ҳуқуқлари соҳасида таълим бўйича халқаро ҳужжатлар ижроси муҳокама қилинмоқда

Инсон ҳуқуқлари бўйича Ўзбекистон Миллий  маркази ахборот хизмати маълумотига кўра, бугун Самарқанд шаҳрида иш бошлаган «Инсон ҳуқуқлари соҳасида таълим» Глобал форумининг биринчи кунги ялпи мажлисида БМТнинг Инсон ҳуқуқлари соҳасида таълим ва тарбия тўғрисидаги декларацияси ҳамда БМТнинг Инсон ҳуқуқлари соҳасидаги Жаҳон таълим дастурининг 2005 йилдан буён амалга оширилиши жараёнлари ҳақида сўз борди.

Иштирокчилар  инсон ҳуқуқлари бўйича самарали таълимга эришиш тамойиллари ва ёндошувларини атрофлича муҳокама қилдилар. Шунингдек, замонавий муаммоларни ҳисобга олган ҳолда дунёнинг турли ҳудудларида инсон ҳуқуқлари бўйича таълим соҳасидаги технологияларнинг ривожланиши ва бу соҳада қўлга киритилган муваффақиятлар, сабоқ ва хулосалар таҳлил этилди.

«Инсон ҳуқуқлари соҳасида таълим» мавзусидаги Глобал форум Самарқанд, 2022 йил 5-6 декабрь

2022 йил 5-6 декабря кунлари Самарқанд шаҳрида «Инсон ҳуқуқлари соҳасида таълим» мавсусидаги Глобальный форум бўлиб ўтади. Ушбу нуфузли халқаро анжуманни ўтказиш ташаббуси Ўзбекистон Республики Президенти томонидан Бирлашган Миллатлар Ташкилоти Бош Ассамблеясининг 76-сессияси ва БМТ Инсон ҳуқуқлари бўйича кенгашининг 46-сессиясида илгари сурилган.

Глобальный форуминг Миллий ташкилотчиси – Ўзбекистон Республикаси Ҳукумати номидан Инсон ҳуқуқлари бўйича Ўзбекистон Республикаси Миллий маркизи ҳисобланади.

Академик Акмал Саидов: Ҳар бир киши ва жамиятнинг ҳар бир аъзоси инсон ҳуқуқлари ва асосий эркинликларини ҳимоя қилишга ўз ҳиссасини қўшиши керак

2011 йилда Бирлашган Миллатлар Ташкилотининг Инсон ҳуқуқлари соҳасида таълим тўғрисидаги декларацияси қабул қилинган. Декларацияда ҳар бир инсон ўзининг барча ҳуқуқлари ва асосий эркинликлари тўғрисида билиш, уларни сўраш ҳуқуқига ҳамда инсон ҳуқуқлари соҳасида таълим олиш имкониятига эга бўлиши кераклиги кўрсатилган. Зеро, инсон ҳуқуқлари бўйича таълим инсон ҳуқуқларининг умумийлиги, ажралмаслиги ва ўзаро боғлиқлиги тамойилларига мувофиқ жамият томонидан ҳурмат қилиниши ва уларга риоя этилишини рағбатлантириш учун муҳим аҳамиятга эгадир.

“Germaniya + Markaziy Osiyo” shaklidagi uchrashuv toʻgʻrisida

Tadbirda Germaniya va Markaziy Osiyo davlatlari tashqi siyosat idoralari rahbarlari ishtirok etdi.

Uchrashuvda mintaqamiz davlatlari bilan Germaniya oʻrtasidagi hamkorlikni rivojlantirishning dolzarb masalalari yuzasidan fikr almashildi.

Oʻzbekiston Tashqi ishlar vaziri Vladimir Norov oʻz nutqida Oʻzbekiston-Germaniya kun tartibidagi dolzarb masalalarga, shuningdek, “Markaziy Osiyo – Germaniya” va “Markaziy Osiyo – Yevropa Ittifoqi” shakllaridagi oʻzaro hamkorlikka toʻxtaldi.

O‘zbekiston tashqi ishlar vaziri YXHT hamkorlarini “Umumiy xavfsizlik va farovonlik yo‘lida hamjihatlik borasidagi Samarqand tashabbusi”ni qo‘llab-quvvatlashga chaqirdi

O‘zbekiston Respublikasi Tashqi ishlar vaziri Vladimir Norov YXHT Vazirlar kengashining navbatdagi yig‘ilishidagizlagan nutqida tashkilot faoliyatini takomillashtirish bo‘yicha takliflarni bildirdi.

YXHT qiyin kunlarni boshidan kechirayotgani, ishtirokchi davlatlar o‘rtasidagi ishonch darajasi pasaygani, ziddiyatli vaziyatlar tez-tez uchrayotgani ta’kidlandi.

Bunday sharoitda geosiyosiy raqobat va mafkuraviy qarama-qarshiliklardan xoli muloqot, shuningdek, ishtirokchi-davlatlar duch kelayotgan barcha murakkab muammolarning yechimlarini birgalikda izlash nihoyatda dolzarb ahamiyatga ega va bu YXHT kun tartibining asosi bo‘lib qolishi kerak.

Тошкент вилоятидаги қўшимча имкониятлар кўрсатиб ўтилди

Ўзбекистон Президентининг жорий йил 10 сентябрдаги “Деҳқон хўжаликлари ташкил этишни қўллаб-қувватлаш орқали аҳоли даромадларини ошириш бўйича қўшимча чора-тадбирлар тўғрисида”ги қарорида шу борада қатор вазифалар белгиланган. Хусусан, Тошкент вилоятида 2023 йилда 9 минг гектар пахта ва ғалла майдони қисқартирилиб, 25 сотихдан аҳолига берилади. Бу 60 мингдан ортиқ кишини иш билан таъминлаш имконини беради.

Давлатимиз раҳбарининг топшириғи билан, мутахассислар иштирокида Тошкент вилоятида фойдаланилмаётган имкониятлар ўрганилди ва қўшимча чора-тадбирлар ишлаб чиқилди.

Yerlarni auksionga chiqarish soddalashtiriladi

Shu bilan birga, amaldagi ishlar tahlili bu tizimda ayrim kamchiliklar borligini ko‘rsatdi. Masalan, auksionga chiqarish taklif etilgan 12 mingtadan ziyod uchastka qishloq xo‘jaligi yerlarida yoki muhofaza hududda joylashganligi aniqlangan. Bo‘sh yer uchastkalari “Yerelektron” axborot tizimiga faqat qurilish bo‘limlari tomonidan kiritilayotgani sababli, hamma bo‘sh yerlarni topish jarayoni to‘liq qamrab olinmayapti. Shu bois bu ishlarni hududiy qurilish bo‘limlari va kadastr organlari birgalikda amalga oshirishi taklif etilmoqda.